حوار خاص مع المصور عبد الله محمد عن حياتة وكيف بداء التصوير

بالصور \جريدة journalist online تنفرد بحوار خاص مع صاحب الموهبه الفوتغرافيه "عبدالله محمد"

اعداد حوار : اسماء ربيع أحمد,داليا الفالح,منه رفعت, الاء حامد 

التصوير فن من الفنون الجميلة , فن يعبر عن الحياة ومعاني الأشياء,فن له أهداف وأمال كثيرة , ,فكثيرون من يمارسو مهنة التصوير, وقليلون من يعشقو التصوير ,فما أجمل أن يعلم الفرد نفسه بنفسه دون الاعتماد علي غيره من الأشخاص , فبحبه للموهبة وحب الاستطلاع للأشياء وتمكنه من العمل ومن هنا التقينا بموهبة من مواهب الفن التصويري الخاص بالجانب الفوتوغرافي موهبة بنيت نفسها بنفسها حتى وصلت إلي إعلال السماء ,موهبة أدهشت الجميع بصورها الجذابة , موهبة كافحة وواجهت الصعاب حتى وصلت الي شعاع النجاح فما أجمل ان يعلم الفرد نفسه بنفسه
س1 ممكن تعرفنا بنفسك ؟ 
عبدلله محمد من مركز سمالوط التابع لمحافظه المنيا في كليه تربيه نوعيه قسم الإعلام التربوي بالفرقة الثالثة 
2-متى بدأت التصوير ؟ 
في أخر 2015 والتقط أول صوره في 21/12 وأنا راكب الميكروباص لمنظر غروب الشمس وبعدها أخذت صوره لحريق مصنع اخشاب بمركز سمالوط 
3-ما هي المراحل تجهيز الصورة قبل عرضها ؟
انا بعد ما التقط الصوره اهم حاجه في الصوره هى الايدت أي تظبيطها بالالوان وبعد كدا بدخلها علي برامج عشان ازبطها زى برنامج الفوتوشوب وبرامج تانيه كتيير
4-ممكن تقولنا ايه هي المعوقات اللي انت بتقابلها اثناء التقاط الصور ؟ 
انا الحمد لله معنديش اي معوقات اقابلها في مجالي غير ان انا امسك كاميرا وانزل اصور في الشارع دى اكبر اعاقه ليا عشان ممكن اتفهم غلط من الامن والشرطه اللي واقفه في الشارع عشان هما معتقدين ان انا ممكن اكون ارهابي في الحاجه دى هى اللي بتعوقنى انى اصور
5- في حد من اهلك جه معاك المعرض عشان يهنيك ويفرح بيك ؟
للاسف لأ انا قولتلهم يجوا بس هى ظروف منعتهم انهم يجوا لان والدى مريض وكلهم قاعدين معاه وانا مكنتش هاجى بس عشان المعرض وتقديرا للحاضرين مكنش ينفع مجيش
6- ممكن تقولنا ايه اللي يجذب اي شخص انه يشوف صور بدلا من ان يروح سينما ؟
هى الحكايه كلها في انه لو عايز يتفرج هيتفرج عشان الاعجاب وان في صور ممكن تعبر عن حاجات كتير غير السينما
7-ايه اللي يميز صور شخص محترف في التصوير عن شخص هاوى؟ 
ايه اللي يميز شخص هاوى عن شخص محترف هو توازن الصوره لان الشخص المحترف قادر علي اخراج الصوره بشكل كامل من جميع الجوانب لكن الشخص الهاوى ميعرفش يخرج الصوره بشكل كامل زى مثلا صوره الشخص اللي ماشي وسط الطريق دى صوره ميعرفش يخدها هاوى لانها محتاجه اظهار حاجات كتير ومن اهمها ان انا اقدر اظهر الشخص بحاله كويسه مش حزين او فرحان اوى انه ماشي فى الطريق لوحده
8-ممكن تقولنا عن صوره اخدتها صدفه او منظر عجبك فقررت انك تاخدله صوره ؟
هو مفيش اي صوره صدفه كل الصور كنت قاصد انى اصورها يعنى كل الصور اللي انتوا شايفينها مقصوده
9-في كتير من الدكاتره شككوا في ان الصور كلها مصورها بنفسك فما هو رد فعلك علي هذا ؟
لا ابدا دا بالعكس فرحنى جدا لانهم شايفين شغل اكبر من قدراتى فانا اتبسط من كدا
10-هل التكلفه الماديه لكل الصور علي حسابك الشخصي ؟ اه طبعا كلها علي حسابي بس الكليه ساعدتنى في المكان والتنظيم للمعرض
11-ممكن تقولنا مين ساعدك في انك تكون في المكانه دى ؟ اللي ساعدونى في الجامعه هنا د/زينب محمد و د/محمد رشاد و أ/ دعاء وعلي المستوى الشخصي والدى و والدتى و اخواتى علي الرغم من انهم كانوا معارضين في الاول وبعد كدا شجعونى لما شافوا حبي للتصوير
12- ممكن تعبرلنا عن مدى فرحتك في يوم افتتاح معرضك ؟ انا فرحان جدا فرحه مش قادر اوصفها حاسس انه هو فرحى
13-انت شايف ان المعرض حقق الهدف اللي انت عاوزه ؟
اه طبعا انا مكنتش معتقد ان هيبقي في حضور كبير على المعرض وان فنى هيتشاف وهيتعرف
14-ايه اكتر صوره انت حبيت تعرضها في معرضك؟
اكتر صوره حبيت اعرضها هى صوره طفل ماسك في عربيه بعد ما خرج من المدرسه لانها تدل علي الاهمال الحاضر في المنظومه التعليميه 
15-لو اتعرض عليك من شخص انه يشترى صورك وينسبها ليه مقابل تعويض مادى هتوافق ؟
لا طبعا لان دا تعبى وفنى وموهبتى حتى لو طلب 100الف جنيه في الصوره مش هوافق عشان الصور بالنسبالي كانهم ولادى
16-وفي الاخر احب اعرف ايه خططك واهدافك المستقبليه عشان تكون شخص معروف بفنك ؟
انا خططى بعد التخرج انى اشتغل كمصور صحفي تابع لبوابه معينه او جريده معينه وانى اشترك في مسابقات عالميه ودوليه اقدر من خلالها اوصل شغلي وفنى